龍小菌想60歲先紅：最好唱唱吓就死咗

歌手龍小菌日前接受有線電視專訪，作為獨立歌手的她，被問最大的困難是甚麼？她坦言是資源較少：「應該係宣傳囉，因為資源少，感覺好似冇錢就咩都做唔到，不過獨立公司做到嘅，大公司又未必做到。」早前涉店鋪盜竊案，問到如果身在大公司會否有更多支援？小菌承認可能會好點，她又指不過事發後，有不少朋友指她人緣好，事後有更多人願意幫忙，不過家人就指她太大懵。

身為獨立歌手經常遇到付出後不一定有回報，問她會否覺得沮喪？小菌說：「睇你點睇回報囉，自己覺得有屋企人同粉絲支持已經足夠。（一直唔紅點算？）都要睇天時地利人和嘅，好紅又會有好多負面新聞，心理上會有好大壓力，到時又要睇自己係咪承受得起！」小菌又笑言情願自己紅得遲：「60幾歲先紅都唔遲架！（想唱到幾時？）唱到死！最好係唱唱吓就咁死咗，因為我太鍾意呢個工作。」