懶理緋聞事件　姚嘉妮孖家人睇魔術晒天倫

已婚女藝人姚嘉妮（嘉嘉）早前被指跟菲裔跳舞導師手拖手沙灘漫步及到男方寓所短敍，因而傳出緋聞，今日姚嘉妮與丈夫林祖輝及一對仔女到科學園欣賞魔術表演，大晒天倫樂，以行動力證夫妻感情不受影響，期間一對仔女非常活躍不停到處走。

嘉嘉與祖輝結伴受訪，提到與舞蹈老師的緋聞，嘉嘉作出澄清，祖輝表示對太太絕對信任，並說：「成件事好流！」嘉嘉說：「我有好多好朋友，男性女性都有，佢（該跳舞導師）都係好朋友，跟咗佢學跳舞成年，我哋會出街食飯，係正常社交。（話你上佢屋企？）冇，只係車佢返屋企。」對於被拍到拖手，祖輝代答是角度問題，嘉嘉說：「係唔知行到咩位，佢突然拉拉我。」至於兩人戴情侶手帶，祖輝再代答：「係我哋代言嘅，我唔介意多啲人帶！」

嘉嘉表示不會因此不去學跳舞，笑指跳舞導師先跟她與陳煒傳緋聞，戥對方不值，祖輝說：「佢（跳舞導師）都有Send訊息畀我，我都同佢講唔好意思。（絕對信任太太？）絕對信任！佢需要做運動，我見佢哋成班師奶……係靚媽一齊跳舞，好開心。」嘉嘉表示會避忌一些，減少送異性返家，祖輝再力撐說：「其實一班人食完飯，得一個人有車，自然會送其他人返屋企，唔會分係男定女。」