【鬼咁得人驚】《鬼》劇大結局嚇你一跳！

無綫劇集《鬼同你OT》播出至今大受好評，而係最後一集「鬼異大結局」更迅即成為網民熱話，惹來一眾網友紛紛cap圖、放片「開心些牙」！相信有追開《鬼》嘅觀眾都知道，孫淑梅（田蕊妮）同女鬼姜蓉（胡定欣）雙雙亦情傾於米開朗（陳豪），話就話兩女一男從來都唔會有好結果，但今次呢個結局就一反傳統，三人最終更可以同處於一頭家，仲瞓埋同一張床添...

皇天不負有心人，仰慕咗陳豪十幾年嘅胡定欣最後亦「投胎」做咗田蕊妮同陳豪個女，仲繼續用超能力守護愛人。對於呢個鬼異結局，唔少網民都大叫驚驚，仲話最後胡定欣「現形」個幕睇到好心寒：「睇到個一幕先明白呢套原來係一套恐怖劇集。」有人更建議呢集應該留返鬼節七月十四個日先播黎加強效果！

「鬼異大結局」除咗令觀眾嗌晒恐怖外，更激發咗大批網友嘅小宇宙，不單將劇集名改為《鬼同你上床》、《鬼同你3P》，仲將片段調校為黑白色，加重陰森氣氛！而最後一幕嘅「小女孩」更被網民一改再改， key 成《殺人犯》細路譚真一、秦沛、夏蕙BB等人。

網民有話兒：

Henryxxx：喂喂喂～已經變成萬能key！

xxxxlao：睇到個一幕先明白呢套原來係一套恐怖劇集。

kwokxxxxx：嚇死人咩，個心離一離啊！

locuxxxxx：應該七月十四播。

燕x：痴線，陰不散咁，真係勁驚！

manfxxxxxtoto：套劇應該叫《鬼同你上床》。