【鴛鴦戲水】黃智雯錢嘉樂忘情喪咀!

20150811
東網電視
更多新聞短片
黃智雯同錢嘉樂喺新劇嘅演出獲網民激讚!
由藝人錢嘉樂、洪天明、黃智雯等主演嘅無綫新劇《拆局專家》尋日首播,口碑似乎不俗,之前睇預告就知道成套劇會打到飛起,動作場面多,自然陽剛味勁濃!不過第一集中後段竟然出現黃智雯同錢嘉樂上演鴛鴦浴加激吻戲,場面非常香艷,令唔少網友高呼非常驚喜!
其中一幕,錢嘉樂飾演嘅「司徒心平」喺舖滿玫瑰花瓣嘅浴缸浸浴,黃智雯飾演嘅「雷蕾」突然着浴袍走入去浴室,仲好自然咁除低件袍,之後開始同心平邊鴛鴦浴邊談心,兩人唔止頭貼頭兼攬到實,劇情講到雷蕾母親喺電視上公開以八億招女婿,令雷蕾非常嬲,而心平竟然拎招婿一事講笑,搞到雷蕾話要「懲罰」心平,仲揚言「唔要罰錢,要罰人」,對白認真惹火,之後雷蕾就主動激吻心平,成場戲睇到網友血脈沸騰!
唔少網友都大讚兩位演員都做得非常自然,有網友話錢嘉樂平時拍動作就叻,而今次竟然為劇集都去到盡,連「愛情動作」都發揮得淋漓盡致,至於過往經常飾演男仔頭角色嘅黃智雯,網友好欣賞原來佢可以性感在骨子裏,仲話佢成功中和劇集嘅陽剛味添!
網民有話兒:
MTXX3:第一集不錯,幾位主角都鍾意。
nkXXk:黃智雯第一次女主角都ok,紅唇look唔錯,其實劇情都唔算好差,70分
出前XX:嘩,表哥和雷蕾這場戲怎麼會有KISS的啊!對我來說太激了,不過這段粟米演得蠻自然的哦!
RVXX4:我睇完一集,還OK可以!
灰XX子:呢套ok好睇,希望有更多動作場面會更好!