曹穎惠懷孖胎 停工專心湊B

20150811
東網電視
更多新聞短片
曹穎惠表示生完bb後會暫時停工,專心湊bb。
社交圈又有喜事,「毛紡大王」曹光彪孫女曹穎惠(Veronica)12年下嫁俄羅斯金礦大亨柯義(Evgeny Klyucharev),當時在西九文化區舉行婚宴,場地布置成俄羅斯堡壘,斥資近億元打造童話式婚禮,成為一時佳話。Veronica婚後繼續打理她的時裝生意,一方面亦努力造人,現懷有身孕的Veronica將於月底榮升媽咪,而且是懷有孖仔。
日前其好友分別為她舉行了兩次baby shower,出席的有名媛邢嘉倩、李家彤、萬寶寶等,並將相片放上社交網站公諸同好,除了眾友人與Veronica合照,還開心摸她的隆起的肚皮外,還有一張她與蛋糕的相片,蛋糕上有四隻BB腳仔,還寫道上Anton & Lev,暗示Veronica懷孖胎。
Veronica接受《東網》電話訪問時故作神祕:「係咪孖胎唔講喇,到時就知,我今個月尾預產期,第一次做媽咪當然係非常非常非常開心,因為我做好晒準備,所以唔算太緊張。(肥咗幾多磅?)又唔係肥好多,我佗得好輕鬆,可能我一直有keep住做運動,有咗六個月後我仲有游水、做瑜伽。(生完BB會唔會繼續做嘢?)暫時唔諗工作住,我好好彩,今年初賣咗啲生意,就發現自己有咗,可以比較輕鬆啲。」