梁漢文領男人幫現身　蘇永康搞笑抽黃家強水

歌手梁漢文（Edmond）於紅館舉行一連兩場《梁漢文紅館中場表演2015》尾場，獲一眾星級好友撐場。到演唱會尾段，Edmond坐喺鋼琴前彈出《海闊天空》，然後黃家強、任賢齊及蘇永康由台中升起，一齊合唱，Edmond更感激身體不適的小齊都堅持到場支持自己，並向大家隆重介紹4人組成的「男人幫」。當家強問蘇永康點解黑口黑面，蘇康即話:「梁漢文由6月開始已經冇參加過我地朋友嘅聚會！」而小齊仲大讚Edmond係絕種好男人！

蘇康繼續喺台上話見到台下有兩對好唔有善嘅目光，螢幕立刻影住同屬Big Four的張衞健同許志安，又話安仔今日正日生日都嚟撐Edmond場，又同Edmond講兩人又屬於Big Four，又屬於「男人幫」，然後家強就話佢地兩個食兩家茶飯，點知蘇康就立即抽家強水話：「唔好通似你隊band，拆咗扣唔番埋咩！」暗指Beyond拆伙，場面相當搞笑！其後，4人透露「男人幫」將舉行世界巡迴，而11月仲會喺香港開騷，蘇康笑言:「唔知請張衞健同許志安做嘉賓佢地肯唔肯呢？」