韓君婷否認被雷德賢狂追：暫時係朋友！

韓君婷出活動，她透露9月在網上平台分享煮食心得及扮靚心得，問到會否分享曾厭食的事，現在體重53公斤的她表示：「我唔介意分享，會向鼓勵方向，講時下青年心態，可能有機會拉埋嚟講，令人知點處理。（分享感情？）分享我有興趣，以我經驗去講，唔希望大家問，如果係，我都已經結婚生咗仔。」她透露正找新居與女性朋友同住：「租樓，會9月、10月搬，會留個房做拍攝。」

圈內外都有追求者

現在單身的她透露圈內外都有人追，會約會及食飯：「急都急唔嚟，咁耐冇拍拖係因為想話畀大家知，時下女性唔可以將自己放入結婚生仔嘅框，自己可以有朋友，事業，有合適就結婚生仔，但冇咁嘅機會嘅，天其實鋪好條路，等感情到。」

強調冇整容

有報道指韓君婷變臉後被九巴後人雷德賢追求，她聽後狂笑，表示與雷德賢是好朋友，沒有拍拖：「嗰日係啱啱去完活動，仲有幾位朋友一齊食飯。係飲飲食食嘅友情關係。（有冇機會發展？）唔知，暫時係朋友。」她亦強調沒有整容：「我個鼻係之前跌倒後創傷先會歪。」