愈近夢想愈大壓力　周筆暢「辣」招攻紅館

出身自《超級女聲》的周筆暢去年參加內地歌唱節目《我是歌手2》，力證實力派歌手地位後人氣爆燈！筆筆將於月底攻入紅館舉行《周筆暢BOOM!巡迴演唱會2015香港站》，成為少數在紅館開個人演唱會的內地女歌手。

連唱兩日唔養聲

筆筆自爆一直視紅館為目標，故壓力愈來愈大：「紅館係每個歌手嘅目標同夢想，同夢想愈來愈接近好興奮，但愈近就愈緊張！」提到演唱會加場，她指從未試過連續兩日開騷，問到可會養聲？無辣不歡的她笑說：「本身喜歡食辣，冇咩點養過聲，所以冇特別Care！」

等住騷後掃街

首次在港開騷的筆筆指今次Rundown與內地的巡唱有別，會為港粉特設廣東歌環節，卻未揀選歌曲，因仍有很多細節要跟導演商量。以往居於深圳的筆筆從小聽廣東歌大，一直接觸的都是香港歌手，問到最想跟誰合作時，她說：「心目中都有人選，但要睇對方檔期。」喜歡香港繁華感覺的筆筆，會預先來港綵排兼逗留一段時間，騷後更會品嘗香港的街邊小食。