吳映潔京都慶生　着住浴衣攻日本

最近喺橫店完成新劇拍攝嘅台灣藝人鬼鬼（吳映潔），早兩日啱啱過咗佢26歲生日，佢就喺網上自爆同好友去咗京都旅行兼慶生。

咁大個女先第一次着浴衣嘅鬼鬼顯得十分興奮，不時自拍留倩影，着上黃綠色浴衣嘅鬼鬼睇嚟好俏麗，但佢依然不改搞怪本色，影相時唔係笑場，就係嘟嘴扮醜，唔少網友都留言建議鬼鬼着浴衣影下一本寫真集，仲話要佢擺番呢啲搞笑pose喎！