義賣難割愛　陳嘉寶幾次偷雞拎返屋企

藝人陳嘉寶（Anjaylia）、蔡穎恩（Evelyn）、陳詩欣與組合Super Girls等齊齊現身慈善義賣活動，Super Girls的Yanny笑說其中一頂義賣的帽是在聖誕節收到，當時更興起與成員一齊做了個聖誕即興Rap，超有紀念性，而Jessica就話：「我啱先行咗一圈見到我第一次表演嘅打歌服，仲已經賣咗喇！」

Anjay和Evelyn都大讚粉絲守禮又有善心：「好早已經有粉絲排隊，所以都有少少混亂，最後要分流入，但佢哋都好守規矩，而且因為我哋一早講不設找續，有時有啲零頭佢哋都無所謂。」

講到今次活動又環保又做慈善，可有義賣物是難以割愛？Anjay表示：「有條裙喺外國買返嚟，有少少性感嘅，嗰時咁大個女第一次去台慶就着咗，着咗一次就冇着過，嗰時公司話都唔會有機會再着啦不如拎出嚟義賣，我嗰時仲好唔捨得偷偷地拎咗返屋企幾次。」

而Evelyn就自爆為了今次義賣出動了第一次與男朋友約會的上衣，自言覺得衣服上有戀愛的魔力，希望單身女仔買了會為她們帶來愛情運，問到男友可會介意？她笑言：「唔會，佢都唔知我有咩衫，即係好似平時你問佢我今日有咩唔同佢唔會發現。」Anjay聽到即驚訝爆料Evelyn本是戀愛達人，但居然願意割愛，Evelyn表示：「我會好珍藏男友送嘅嘢，佢送畀我嘅嘢都會唔捨得拎出嚟，但有時收收埋埋到自己都唔記得擺咗去邊。」而Anjay則表示男友經常送美少女戰士的精品給她，全部都有好好儲起。