朋友主動伸出援手！艾威感動：多到嚇一跳！

藝人艾威太太早前被揭子宮生巨瘤，動三次手術花了近百萬，幾乎用盡艾威整副身家。艾威晚上出席活動時，問到太太的健康情況，艾威坦言：「大步檻過，西醫只可以開刀同埋消炎，之前有腹腔發炎同埋積水情況，依家靠中醫調理。（依家經濟okay嗎？）慢慢一步步嚟，應該無問題。」

提到早前有朋友主動致電艾威話要借錢給他，問到現時有否繼續收到朋友主動來電表示幫助，艾威就表現感動說：「好多，多到嚇一跳，過2日講個數字畀大家知。依家係未知數，因為我之前都話唔想驚動朋友，都要同太太商量吓先，另外都有朋友介紹啲醫生、保健食品、水呀畀太太，太太的朋友都會問，每次講起都好感動。（會唔會減產多啲陪老婆？）依家我要多產，佢就減產。（依家開工情況？）依家逐步逐步嚟，接一套拍一套。」