胡耀輝唔介意老婆着「摟乜裙」：滿足到大家

導演胡耀輝（Mark）現身銅鑼灣街頭，為執導電影《猛龍特囧》舉辦的「香港網絡男神選舉」拍短片，請來「男神」王宗堯、譚小環及一眾候選男神做外援，他又指王宗堯除了客串電影外，更為國語版配音：「佢啲國語出奇地好，把聲同演員好似，連自己都分唔到，但擬於片場問題，佢本身客串部份Cut咗。」

提到正在北京錄歌的太太張暖雅，Mark表示雖然老婆被「私有化」，但對方也想拍電影，不過，太太及其公司均不想接拍《一路向西》類型的電影，但性感形象會一路Keep住。他說：「我唔會刻意開戲畀佢，有啱角色先叫佢做。（介意佢性感？）好難唔介意，但唔係非常介意。（拍你電影先可以性感？）梗係唔會，同我拍都唔得。（着樽領？）咁又唔會制止人着樽領咁衰，性感得嚟不失密實嘅『摟乜裙』咪貼身又正囉，又滿足到大家。」