【不認不認...】姜麗文忍淚認與鄭俊弘分手

藝人姜麗文（Lesley）與哥哥姜文杰一同出席活動。談到早前歌手鄭俊弘（Fred）出席活動時講到與姜麗文年幾無聯絡，Lesley表示：「我有睇新聞，我哋分開咗好耐。（咩原因分手？）原因唔講，過咗咁耐。大家move on，大家唔好再估我哋係咪一齊定分手，大家都經歷過，知道唔容易嘅。」未講完，Lesley已經語塞而且抽泣，更一度轉身忍淚。數秒後，Lesley再回頭表示：「畀啲空間我哋。」講完後已忍不住淚水，直接轉頭離開避開鏡頭。

問到哥哥文杰是否知道內情，他表示：「我都無見Fred，不過遲吓陸駿光婚禮上會見。（安慰妹妹？）唔使安慰，咁大個，感情事我無參與，其實我識咗Fred仲耐。」再問到Lesley現時有否與Fred聯絡，她說：「好耐無聯絡，不過仲係family。」

另外，即將舉行演唱會的Fred現身電台宣傳，提到緋聞女友姜麗文哭着說跟Fred早已分手，Fred說：「我哋係分開咗一段日子，期間冇咩聯絡。」至於分手原因，Fred未肯透露，只說：「我哋係和平分開。」會否再見亦是朋友？他說：「現階段我哋大家都係為事業拚搏，專心做好工作先。」