【劇透慎入】《4個小生》今晚玩咩？

無綫《4個小生去旅行》收視高開兼成熱話。今晚播放第二集內容比較「炒雜碎」，工作人員帶四位小生先後遊歷克里姆林宮、大教堂、防空洞等地，又安排他們去購物及搭地鐵。謝賢與曾江這對喜歡冤家「一啖沙糖一啖屎」，不時互窒又關心對方，當參觀大炮時，謝賢即指着曾江謂：「同佢一樣『車大炮』。」

而謝賢對着建築物碎片許願時，他笑謂：「祝胡楓有105歲。」隨即又指着曾江謂：「希望佢嘅痛風快啲好番。」場面令人感動。期後，工作人員安排他們往參觀教堂，謝賢忽然除下眼鏡祈禱，自認做了很多壞事，此事曾江竟謂：「佢都唔係壞人，呢個衰仔一向口花花啫。」往搭地鐵時目睹有人打交，謝賢及曾江齊齊「八卦」，遭工作人員勸阻，謝賢更謂要一腳撐滋事者出地鐵，認真搞笑！