陳少琪反對無效 大女陳明憙靠實力闖樂壇

20150819
東網電視
更多新聞短片
陳少琪着重家庭生活,就算有幾忙都要抽空陪家人去旅行,當大女陳明憙要求加入樂壇時,兩父女為此爭拗兩年。

著名音樂人陳少琪跟前DJ太太黃靄君所生的23歲大女陳明憙(Jocelyn),據知正準備加入樂壇做原創歌手。Jocelyn早年在美國南加州大學完成學業後,就萌生加入樂壇念頭,可是父親陳少琪強烈反對,父女為此爭執。陳少琪被問為何不肯讓女兒入行?他自嘲:「我都有今日,以前成日批評啲歌手水準唔夠,我反對佢係因為當年覺得Jocelyn嘅音樂造詣仲係好幼嫩。」

兩人為此爭拗兩年?他說:「個女反駁我話當年嫲嫲都唔肯畀我入行,但我都堅持要做,我聽到個女咁講立即冇聲出。」其後陳少琪見女兒一意孤行才稍作讓步,答應供她往英國讀音樂一年,但畢業後,他明言:「我一蚊都唔會畀佢,要佢自力更生。」幸好女兒努力創作,水準達標準備今年入行。