徒弟周振基揭林家聲蝴蝶命：平淡是福

於月初病逝的粵劇名仱林家聲假世界殯儀館出殯，其徒弟周振基於大儉儀式上致悼詞，以「一代宗師」來形容師傅林家聲。周振基稱林家聲離世當晚，他接到電話指林家聲冇晒知覺：「我即刻去佢屋企，見到林家聲搶救中，我同佢講唔使驚，佢望住我講唔到嘢，好似想道別，跟住我見黑蝴蝶喺我眼前飛過，林家聲曾經同我講，同師母係蝴蝶命，並指平淡是福，所以今日一切從簡。」

一代宗師最想演奸角

周振基又講到師傅從來不怕被利用，要將一生所學教畀人，其無私奉獻，就由他承傳下去。他表示林家聲在1993年返回加拿大後做了好多資料搜集，繼而出書，宏揚粵劇，其有教無類精神，不求回報：「佢同我講，從不介意求教人身份、地位，只要肯學就肯教，邊個係接班人唔重要，重要係延續，名份唔重要，宏揚粵劇先係佢目標。當時我仲問聲哥有咩角色想做？佢話：奸角，佢都想演，但冇人請！」

望師傅師母雀橋相會

周振基更表示，林家聲晚年患了柏金遜症，但頭腦仍然靈活，有風趣一面，並透露林家聲九歲便與胞姐一齊演戲：「聲哥話大人點演佢就跟住演。」周振基又憶述2009年8月20號當日是政府請聲哥返港演出，距今已經六年，適逢今日是七夕，他希望師傅和師母（紅荳子）可在雀橋相會。

最後，周振基向師傅說：「聲哥永別！我會努力處理你嘅抱負同任務，承傳下去，希望你同荳姐喺另一世界開心生活！」