【等到喇】鄭中基入紙申請2016紅館開騷

藝人鄭中基（Ronald）、雨僑、導演胡耀輝及監製田啟文到會展出席新片《猛龍特囧》首映。

Ronald之前缺席電影宣傳，今天終於現身，他說：「係呀，次次想去，最終去唔到，啱啱台灣拍完谷德昭套《天生不對》，食肥咗少少，但後來又病，一家都病晒呀，老婆都病埋！依家好番喇！」

他又提到已入紙申請2016年紅館檔期開演唱會，他說：「攞住3場先，如果出年開到嘅話，就相隔十年再開演唱會，上次開嗰時我仲話：『希望下次開演唱會唔使等十年！』點知真係要等十年。」

問到雨僑會否自薦做演唱會嘉賓，她說：「我梗係想，不過佢嘉賓應該好多，又或者佢想一個人唱晒，你哋唔好難為佢啦！其實Ronald係我N年前鍾意嘅歌手，佢任何嘅歌我都識唱。」問到Ronald有否留意早前吳浩康被指在飛機上發酒癲，他說：「唔知有件咁嘅事，總之盡量克制啦！」