心結未解！邵仲衡李麗珍再續前緣火藥味濃

除方力申和Stephy（鄧麗欣）這對經典戀人，無綫經典劇《大時代》中的另一對戀人邵仲衡與李麗珍（Rachel）亦獲導演葉念琛引領，再續前緣合演新片《紀念日》，今日聯同一眾台前演員到九龍塘出席開鏡拜神儀式。

事隔多年再次合作，邵仲衡笑言第一日重逢開工就已經問對方取電話號碼：「120%滿足度，默契都係120%。」不過Rachel重提《大時代》中的一場經典場面時就揶揄對方謂：「係呀！爭在當年你掟我落街囉！」邵仲衡續說：「呢啲心結解唔開，諗番起就唔開心。」聞落有啲火藥味。不過邵仲衡表示與Rachel演感情戲非常投入，曾一度泣不成聲。

今次在新片中需演兩女母親的Rachel表示，在現實生活中亦希望有兩個囡囡：「呢套戲真係滿足到我，兩個女仲要咁大個，做緊嘢仲可以養埋我添，幾舒服呀！如果係就真係太好喇！我係得一個女咋。唔係個個人咁幸運可以有兩個女。（最近流行星二代，囡囡有興趣？）佢無乜喎！（你問過佢？）都唔使直接問嘅，有時有啲渠通可以知道，佢覺得選美呀、歌唱比賽、模特兒嗰啲好無聊，嘥晒啲時間。」