苗可秀想出山拍戲玩「試咪」

20150821
東網電視
更多新聞短片
苗可秀話唔介意喺戲入面爆粗,仲搞笑問記者想唔想聽兩句。
藝人苗可秀在將軍澳電視城為無綫節目《Sunday靚聲王》錄影。雖然以前主以拍戲為主少唱歌,但原來她亦有登台經驗:「以前都有去東南亞登台做騷,但冇乜點講,都係三首歌走天涯,自己唔係歌星嘛,過得去就得。」她又透露哥哥陳家蓀和同場的Joe Junior年輕時一齊夾Band:「我讀書時都有隊女仔Band!」而相隔5年,再到無綫的她亦坦言自己是特意從多倫多回來與Joe Junior合唱:「今次個主題係由英文歌改篇嘅中文歌。」問她會否考慮搬回香港,她就指沒有所謂:「反正我喺多倫多成日都係一個人。」
至於最近是否有人邀請她出山拍戲,她謂:「傾緊。(咩戲?)唔知呀,都未成事。(傾緊都心郁郁?)會!(想拍咩?)梗係唔係打啦,依家都打唔郁啦,想拍啲有特色嘅,以前未做過嘅角色,好似依家興講粗口。」問她是否接受到戲中講粗口,她立即笑謂:「想唔想聽兩句?咁當然係搞笑嗰種啦!(好期待!)我都係!」