唐韋琪開騷反串兒歌　獲大批好友撐場

前兒童節目主持人唐韋琪於理工大學舉行兒歌演唱會，獲麥包和姚安娜到場支持，甫開場兒童節目標誌人物譚玉瑛以視頻為演唱會打氣，接着唐韋琪以10首經典卡通主題曲如《櫻桃小丸子》，《多啦A夢》及《IQ博士》等的主題出場。

唐韋琪又由《跳飛機》、《430穿梭機》 年代開始與觀眾回憶當年，又請來好友蓋世寶一同表演，蓋世寶笑說：「其實上年都有嚟，不過今次緊張啲，因為係live band。」她又即場宣傳在無綫有份參與的劇集，感慨講起很久沒在四點半兒童節目時段出現，突然主持人癮起與觀眾大玩IQ題。

隨後好友杜大偉又現身做嘉賓，已做13年兒童節目的杜大偉笑言今晚的工作人員是以前的台前幕後，好似重演頒獎禮一樣：「帶咗首歌嚟見大家，背咗好耐但都唔係好記得，因為係日文嚟！送畀大家《蒙面超人》！」杜大偉又順便擔任司儀邀請小朋友與蒙面超人大玩遊戲。

接着唐韋琪以《聖鬥士星矢》、《男兒當入樽》及《爆旋陀螺》等以男仔為主題的卡通片主題曲的串燒歌再次登台，而張崇基，張崇德又緊貼着上台唱出《龍珠》主題曲，唐韋琪直言曾擔心會難邀請嘉賓，但兩人一聽到有小朋友即答應，又幫兩人推介將舉行的演唱會。

唐韋琪最後於觀眾席突然出現，唱出經典兒歌《長腿叔叔》，唐韋琪直言：「當年我唱依首歌都仲係一個新人，唱有唱片公司，但把聲已經出現喺電視，個感覺好神奇，今時今日好多人都唔知《長腿叔叔》講咩，但仲記得首歌。」 唐韋琪最後唱出《朋友》，為演唱會畫上句號。