Wyman破天荒台上「大便」獻給周筆暢

周筆暢（筆筆）的首個紅館騷《BOOM！周筆暢巡迴演唱會2015香港站》正式開鑼。在中段時筆筆指填詞人好鍾意「拖」：「之前搵咗個人幫我填，寫到依家仲有一句未交，但我真係好想唱依首歌，所以我捉咗佢嚟幫我作埋最後一句。」隨即黃偉文（Wyman）就從台中升起，坐在書枱前，腳鎖上鐵鏈，而筆筆就在旁唱出《愚公移山》，唱完之後，Wyman就跪在地下，合十跪拜筆筆交歌詞。其後，Wyman在台上說：「好多人唔知填詞好私人，同大便一樣，今次為你破例，喺眾目睽睽之下瀨咗。」並笑言當年香港盛產港產片的年代，好多明星經常要一日拍幾部電影，更試過出槍搶人拍戲，亦沒有想過現時都有人為一首粵語歌而被筆筆挾持嚟紅館，大呻感覺好high。Wyman還透露當時身在北京，有好多品牌公關及大明星想認識自己，但知道自己交詞要等好耐，就立即消失了，但只有筆筆還繼續留低，而且當時筆筆仲喺深夜時分單拖到酒店會見Wyman，兩人一見如故，就變成好朋友：「所以就唔使等咁耐，會幫佢免費宣傳同做埋形象設計！」接著，筆筆繼續唱出一連串歌曲，為演唱會畫上句號。