陳豪塞車遲大到甩底宣傳　杏兒撐準時

藝人姚子羚出席無綫劇《陪著你走》宣傳，愛狗的她，感嘆未有機會跟導盲犬做對手戲，又謂與好姊妹胡杏兒只有一場對手戲，她說：「本來一場戲都冇，後來同監製話我哋難得一齊拍劇，結果寫咗一千零一場畀我哋。」

談到杏兒約滿離巢後更難合作，子羚說：「呢樣問佢，但唔緊要，我哋好多機會見面。」她又透露「胡說八道」好姊妹計劃一齊去旅行，並笑謂：「我哋好多次去唔成，希望可以一齊去旅行。大家輪流開工，所以要夾期好難，盡量啦，我哋話一日都去，去澳門或者佢代言嘅動物園。」至於杏兒嘅感情事或工作去向，子羚均表示私下沒有談及。

此外，原本有份出席活動的男主角陳豪，活動結束後亦未見現身，公關解釋對方因塞車而未能趕到，杏兒則力撐陳豪拍劇時甚準時。