有迹可尋！知情人證實章子怡佗B六個月

大陸女星章子怡與音樂人汪峰相戀一年多，今年2月世紀訂婚，Sweet爆中港台！之後章子怡便一直屢傳懷孕，不過由於碰巧她在新戲《從天兒降》亦是飾演大肚婆，故一直有指是宣傳，不過早前有內地媒體指，在宣傳活動上御下「假大肚」嘅子怡，真身一樣腹部微隆，故盛傳她是真的懷孕。雖然傳聞言之鑿鑿，但當事人包括子怡及汪峰至今未有開腔證實，亦有內地消息指汪峰原本打算在7月的上海演唱會宣布喜訊，子怡亦會在場，可惜演唱會最終因颱風告吹，並順延至9月舉行。

由於子怡的大肚傳聞每隔一段時間便出現，故被內地傳媒戲封為「大姨媽新聞」。不過最近呢單傳聞確係愈炒愈熱，有內地媒體更指子怡近日連環推JOB，知情人士更證實子怡已確實懷有六個月身孕，網上更流傳一張疑似子怡肚凸凸的照片。而唔少粉絲知道消息後，都紛紛表示好驚訝！

消息傳出後，《東網》即時翻查資料，發現之前章子怡為汪峰拍攝新歌《無處安放》時，刻意選擇鬆身衫出鏡之餘，鏡頭更刻意避影子怡全身，只着重影大頭及半身。不過其中一個鏡頭，穿着黑衫的子怡腹部明顯隆起，孕味甚濃。另外，子怡20號現身北京，出席與童裝品牌合作的活動，子怡除了刻意着鬆身衫，更腳踏平底鞋；加上她現場母愛大發與同場的小朋友玩個不亦樂乎，令懷孕傳聞更加似層層。