阮兒家中狗狗愛扮嘢

參演《愛．回家》的無綫藝人阮兒養有貴婦狗「Longlong」和鬆獅狗「Georgia」，兩隻愛犬的性格南轅北轍，鬧出不少笑話！講到「Longlong」這個名字，原來真的與「啷啷」有關！

在《愛．回家》飾演「Pinky」的前港姐阮兒（Chloe）憑劇入屋，工作接踵而來，但仍花了不少時間及心思照顧兩隻愛犬，家中養有一歲半的雄性黑色貴婦狗「Longlong」和8個月大的雌性鬆獅狗「Georgia」。Georgia外表略帶傻勁卻具攻擊性，但在Chloe與犬隻訓練員的細心教導下，已變得溫馴又黐身，Chloe說：「佢同其他鬆獅狗唔同，一啲都唔Cool仲好熱情，好鍾意舔人，又成日企喺前面阻住我入房，係一隻又乖又搞笑嘅狗狗！」

Longlong與Georgia體形懸殊，鬧出不少笑話，Chloe說：「佢哋仲係BB，唔知大家身形差咁遠，Georgia以為自己細隻，Longlong就以為自己大隻，打交時Georgia好易壓扁Longlong。Longlong本身比較曳，見到唔夠打就會扮痛慘叫，不過我知佢扮痛，佢又見Georgia乖過自己驚失寵，所以依家都慢慢變乖！」她又大爆Longlong這個名字的由來：「佢細個嗰陣，醫生發現佢得一粒『啷啷』，所以就叫佢Longlong，好彩發育好後又變番兩粒，初時真係非常擔心佢！」