傳宋承憲求婚　劉亦菲凌晨發文：謝祝福

尋日係「小龍女」劉亦菲28歲牛一，一眾好友為佢搞咗個生日P，仲要話係以日本動畫大師宮崎駿為主題嘅生日P，好繽紛咁喎！

之前承認同劉亦菲拍拖嘅韓國型男宋承憲到底有冇以男主人身份現身呢？有內地網友就喺微博晒同劉亦菲喺生日P嘅合照，赫然發現二人身後見宋承憲Oppa身影，貼心為女友打點一切，冧到呢！雖然該網友冇耐就刪除咁珍貴嘅相，但內地即瘋傳劉亦菲同宋承憲要宣布婚訊，搞到一眾網友紛紛恭喜佢哋百年好合。

不過，原來今次只係一個美麗嘅誤會，劉亦菲凌晨兩點仲未瞓，都要喺微博澄清：「謝謝影迷朋友的祝福，不想多說什(甚)麼，謠言止於智者，晚安，很開心！」雖然唔係宣布做新娘子，但都祝劉亦菲生日快樂！要甜甜蜜蜜噢！