天堂鳥拓Sing途殺入內地搶粉絲

組合天堂鳥（BOP）繼早前參演舞台劇後，即將殺上廣州參加歌唱比賽，實行多線發展！他們說：「始終內地市場好大，勁人亦好多，希望到時吸納到內地觀眾，又可以繼續留得低，因為比賽係由觀眾畀分。」

三子希望借比賽衝出香港，順便擴闊眼界以求進步：「我哋想出去見吓世面學習，唔可以永遠覺得自己係最好，當然目標遠大啲係想去到全世界，但一步一步嚟啦。」香港人向來有倒數節日的習慣，而天堂鳥剛推出的全新國語歌《五四三二一》亦以倒數為主題，他們希望藉此加深歌迷對自己的印象：「其實倒數完就係新嘅開始，希望大家珍惜呢一日，亦想大家倒數嗰陣諗起呢首歌，做到好似聖誕歌咁就最好。」