首拍TVB劇 伍允龍祝福鍾嘉欣有新歡

20150828
東網電視
更多新聞短片
首次入電視城為無綫拍劇的伍允龍,對於前度鍾嘉欣傳與大陸男星丁野過從甚密(小圖),伍允龍大方送上祝福。
藝人伍允龍(Philip)在將軍澳電視城出席無綫新劇《城寨英雄》開鏡儀式。首次為無綫拍劇的Philip指自己因早前拍戲時被安志杰踢斷兩條肋骨,所以監製暫時先不用他拍打戲:「依家埋咗口,唔好大力撞佢就得喇。」他對拍劇沒有感到辛苦:「可能啱啱開始,唔係好密,啲演員都好Nice,好似KK(張國強)咁,識咗好多年,都畀咗好多Advice(咨詢)我。」更稱讚無綫武指專業。
講到前女友鍾嘉欣被指早前在內地拍劇時與24歲男演員丁野過從甚密,他謂:「咁好呀?(戚戚然?)一啲都冇!(所以之前慶功宴攬唔少女?)好似攬咗一個女仔啫,佢係道具女仔嚟,不嬲都好好,抽中獎戥佢開心啫!」
Philip強調現時專心工作,沒有心儀對象。問有否在電視城遇過鍾嘉欣?他謂:「未有機會撞到。(撞到會唔會傾兩句?)會,朋友一定會傾偈啦,我見到你一樣會傾偈。(佢拍拖會祝福佢?)祝福佢…祝福佢。」