元秋爆李家鼎性格火爆：三句唔埋兩句鬧

藝人元秋在將軍澳電視城出席無綫新劇《城寨英雄》開鏡儀式。飾演「泰國婆」的她就指自己在戲中經常為仔仔伍允龍勞氣，不但有泰文對白，更會一展歌喉。她之後就指劇中不時有食榴槤戲份，但自己卻怕榴槤味：「都唔知點算好，唯有叫啲道具大哥買啲包，鏈鏈鏈鏈到好似榴槤咁！」更透露會與胡定欣在戲中因榴槤味而鬥氣：「有幾場戲佢要惡過我，所以我要收斂啲。（多打戲？）三句唔埋兩句打！」

談到李家鼎被指拎走拜神雞，多年前在邵氏與對方合作過的她謂：「係咪事實架啫？我唔知呀。唔怪得我想食雞，啲人同我講唔好攞隻雞。」更大爆同場的林子善有份講，非常搞笑。至於講到李家鼎為人，她就指對方以前性格火爆：「因為佢嗰時做武指，三句唔埋兩句就小呀大呀咁。」但自己因不同組而未被對方爆過。