天心狠批悠游卡搵AV做封面　惹网友围插

台湾嘅悠游卡公司制作名人公益悠游卡，宣布由着名日本AV女优，有“暗黑林志玲”之称嘅波多野结衣做封面，点知其中一张卡嘅造型竟然用咗波多野结衣嘅AV作品封面嚟做，搞到反对声音不绝！而曾经影过全裸写真，凭33F骄人身材上位，最后仲拎埋金钟奖最佳女主角嘅天心，亦有喺Facebook发表意见：“悠游卡找来AV女优做代言人会不会太扯！我们的‘大人们’到底是怎么了？把AV女优放在这个位置上适合吗？竟还大言不惭说是为了服务男性乘客，下次再来照顾女性朋友？！”此话一出，立即引来大批网民狠批，质疑想当年天心借脱成名，依家竟然扮清高睇唔起AV女优！<br/><br/>面对大批网民嘅攻击，天心好快就删除咗个留言，仲发文道歉：“我想我刚才的言论引起大家的不满，已经删除，抱歉。”但喺睇嚟网民依然无谂住放过佢，仲继续留言话：“不要衣服裤子穿上，就以为什（甚）么事都没发生过！”