譚嘉荃為新碟拍封面 又凍又熱捱到發燒
歌手譚嘉荃(Amy)日前為拍攝個人唱片封面,她更上山下海大玩出水芙蓉,Amy說:「想有少少性感感覺,所以都落晒水。(唔着三點式?)着係入面打底,想落水濕身咁先若隱若現效果,咪仲性感!」Amy表示將會拍攝另一個封面,因在唱片內有其中一隻歌以慈善為主,更自爆拍攝過後發燒:「日頭有太陽曬住,啲水好暖好舒服,我仲心諗工作人員好慘,不過太陽一落山,啲水即刻凍咗好多,就到我好慘啦!嗰日都拍咗成4、5個鐘,返到屋企即刻發燒。(第二個封面再落水?)之前我哋參觀咗個狗場,咁其實都影咗唔少花絮相,咁會用返啲相做封面。」

另外,今次其經理人漢洋除化身助手外,更幫忙拿反光板,Amy坦言對方任勞任怨,更笑言今次終可擺脫對方:「無辦法啦,嗰日唔夠人,佢又係男丁,所以要搵佢幫手!(擺脫漢洋?)係呀,所以今次都幾開心,今次係我入行第一次個人身份出碟,之前都係組合同出合唱碟,所以自己幾期待。」