着阿婆打底出事！透視李璧琦疑洩春光

今屆港姐決賽將於今晚開始，一班星級評判率先行紅地氈，當中不乏性感嘅女星。當中，李璧琦（Becky）以超級藍色透視晚裝上陣，若隱若現露出事業線，十分誘人！雖然依啲大場面玩透視就實冇死嘅，而Becky事前亦有做足打底功夫，着咗一條特大阿婆打底褲慎防走光。Becky條打底個SIZE係大就大喇，但係就衰在太短，以致佢喺跨步上樓梯級時疑唔小心洩春光，仲露出白色底底添！

現身所見Becky升級不少，佢笑言係靠「Magic」幫手：「之前有朋友幫我穿nude bra。（驚唔驚走光？）唔驚！不過一陣要同4號龐卓欣唱歌，要運氣同挺胸。（真空上陣？）係有少少Magic嘅。」問到透視上陣，為何唔直接以低胸示人？佢話：「等我下次研究吓先。」