范冰冰着緊身滑水衣玩遊戲晒好身材

內地藝人范冰冰自從確認咗同李晨嘅關係，人氣有增無減，加上早前《福布斯》公布「最高收入女星排行榜」，范冰冰全球排第四之餘，更加係唯一華人女星入圍，氣勢一時無兩，雖然身價今非昔比，不過范冰冰依然無錫身，與李晨、吳亦凡及陳漢典等參加內地一個運動節目時親身上陣玩滑水，從相中所見，范冰冰身穿緊身滑水衣大騷美好身段，不過滑水技術就真係唔太好，期間范冰冰未能企係滑板上，只可以雙膝跪下，之後更失去平衡跌咗落水，仲要失手露咗條腰出嚟，不過范冰冰仍然玩得好投入，拍攝完節目後，范冰冰獲厚待由五位黑衣大漢護送回酒店休息，盡顯身價。