HeHe男神王宗堯未戀陳詩雅先見光散

藝人王宗堯為同志平權活動擔任大使，更被封為「HeHe界男神」，提到身邊也有男同志粉絲時，他大讚他們相當Sweet：「探班就冇，但有喺Facebook留言，有啲都幾Sweet，唔係太過滋擾就OK，好多Artist都會收到啲瘋狂男粉絲嘅相，都幾抗拒。但男女同志、直定孿，唔同愛都可以接受。」

他又透露身邊有異性戀朋友近日突然公開「出櫃」：「即係男女都OK，話畀人聽性別係唔重要。」問可曾懷疑過自己的性取向？宗堯就自認「直不甩」：「冇試過，自己幾清晰係鍾意女仔。都有男仔向過我表白，但佢都幾識分，只話『我幾鍾意你』，都知我係直。」

與陳詩雅拍拖情「見光散」

問是否向緋聞女友陳詩雅派定心丸？宗堯說：「冇啦…冇啦！唔係特別關心邊個人事。（感情生活點？）雖然幾忙，但有台灣朋友嚟咗，我踢完波都有去Gathering，聚會入面都有同性戀朋友。」

提到是否與陳詩雅被偷拍後，令戀情「見光散」？他直認：「都叫暫停咗，唔想喺未肯定前影響到其他人，自己係Artist唔想所有嘢公開，想保護其他人。（依家係朋友？）係。」