徐正曦微博封口唔提與周麗淇分手

藝人周麗淇（Niki）同內地靚仔小生徐正曦驚爆分手傳聞，有指二人更已分手數月，因為二人拍拖時，Niki嘅朋友覺得男方有借女方宣傳之嫌，不過Niki當時就百分百信任男友，但之後二人相處耐咗發覺性格不合，加上聚少離多因而分手，不過二人分手傳聞傳出之後，二人一直未有回應事件。

而今日下午，徐正曦就喺微博上載晒V自拍，仲梳住個古裝頭，似乎想同大家講佢要以工作為重，佢留言：「橫國突然下起大雨，滯留在現場等待！Hi，大小守護神們，你們開學順利嗎？今日下課了嗎？」留言間亦冇提起過感情事。