李嘉欣爆囝囝有un腳壞習慣：教唔聽就打

李嘉欣以露背裝性感出席活動，提到兒子許建彤昨日開學讀K2，她笑言：「佢又想返學，我又想佢返學，校服嗰啲都係用舊，筆都用到好短，教佢環保意識。」提到找小學？她表示：「諗定，仲有一年，有唔同意見。（讀國際學校？）咩都好。（人哋報好多間？）係恐怖故仔，教好佢德育先重要。」

問到平時會否鬧仔？她說：「有。（打佢？）有，佢喺兩歲幾嗰陣un腳，我好憎人咁樣，我就用手溫柔放喺佢大髀到，好言相勸，但佢都un，我二話不說就打落去，喺街見到唔識人，都會叫人唔好un腳。（老公畀意見？）佢寶貴意見留畀自己，佢有時喺我好混亂，有壓力嗰陣，對安排小朋友時間有意見，佢會話我覺得今日要多啲睇電視時間。」她直言自己是道理王：「我就成日講道理，囉嗦係我，我有時都叫先生可以出聲。（生多個咁點？）生多個都早兩年生，證明差唔多要放手。」她更笑言：「開咗學又講咁多細路仔嘢，我會頭暈。」