陳意嵐為入影壇博到盡全裸試鏡

20150904
東網電視
更多新聞短片
陳意嵐為了入影壇多年來付出了不少。

28歲混血影壇新人陳意嵐身材高挑,大學時期已擔任模特兒,但自知模特兒生涯不長遠,因此為生計而學化妝,一來自己貪靚,二來亦可帶來穩定的收入。畢業後一直擔任杜汶澤的化妝師,亦有為鍾舒漫及鍾舒祺化妝,不過多年來卻最想成為演員,更為夢想修讀有關戲劇及電影的課程,可惜一直苦無機會,她說:「我一直想拍戲,對電影幕後工作好有興趣,如果唔係咁多年嚟,我都唔會花咁多時間讀電影!」

獲田蕊妮力薦

為追求夢想願意豁出去,更自爆為求機會不惜全裸試鏡,可惜該片需要青春少艾新人,已經28歲的陳意嵐失去演出機會,後來全裸試鏡事件就傳到杜汶澤太太田蕊妮(阿田)耳中,阿田見陳意嵐決心闖影壇,向導演邱禮濤推薦,成功獲得性感小三角色!

性感演出盼家人明白

首次拍戲就要挑戰床戰、車震等性感演出,陳意嵐直言若早幾年機會出現,也未必肯大膽嘗試,她說:「以前仲可以做啲小妹妹角色,但我已經28歲啦,性感切合自己年紀,而且角色係有咁嘅需要,做演員係要克服呢啲心態!」至於家人能否接受?她說:「其實我都唔知佢哋介唔介意,但我堅持咗咁多年,佢哋都睇得出我嘅努力,我都有同佢哋講今次拍啲咩,希望佢哋明白!」