彭懷安對朱慧敏影寫真冇意見

藝人彭懷安（Eddie ）出席活動時被問到所屬的公司日前大裁員，Eddie說：「唔知係咪大裁員，只知有同事離開，不過唔緊要啦。（同公司了解吓？）冇擔心過公司財政問題，應該係開源節流，對公司有信心，同埋我依家做自己嘢多，唔係太受影響。」

對於有指他與「未婚妻」朱慧敏玩地下情？Eddie不置可否說：「感情嘢唔講喇。（朱慧敏話影寫真？）有聽佢講。（批准？）佢自己知應該做啲乜同唔應該做乜，唔會畀意見。」問到會否限制對方性感尺度？Eddie說：「佢自己清楚，唔使我理。（放心佢做每一樣嘢？）應該話支持佢做每一樣嘢。（拍寫真當日會監場？）唔需要。（唔擔心佢走光？）有人照顧佢，或者會探班，佢話有意7、80歲全裸。（你會陪佢走到7、80歲？）睇吓條命有冇咁長啦。」