岑麗香挑戰演技分飾兩角 想爭女配?

20150905
東網電視
更多新聞短片
岑麗香演出新劇《無雙譜》挑戰演技一人分飾兩角。

藝人岑麗香(香香)與糖妹(黃山怡)到主題公園,為無綫節目《精伶童學會》拍外景,兩人與小朋友合作均笑言想生B。
香香被問何時生B,她答得很妙:「結咗婚先。(幾時結?)搵到啱先。我今次做嘉賓,扮麻煩遊客,考驗小朋友應對能力,佢哋都幾乖。」

香香有份演出新劇《無雙譜》,她說:「我劇中一人分飾兩角,一個好人,一個壞人,啲對白好難。(驚古裝劇講咗英文對白?)我應該冇啩,不過有場我要離開一個地方,我講咗『拜拜』,我以為中文寫到係中文,唔知道原來係由Bye bye譯過嚟。(有冇信心角逐年尾頒獎禮女配角獎?)拍嘢唔諗咁遠,希望做好角色需要,想觀眾睇到我演好人同壞人嘅分別。」

糖妹則表示想生B:「我想生女先,再生個細佬,因為我同細佬相差11年,有啲遠,所以第時我想近啲,唔想年齡相差咁耐。」