甄子丹食雪糕靠耍功夫暖身

「宇宙最強」甄子丹與內地影星姜文近日喺英國為荷里活電影《星球大戰》（Star Wars）外傳《Star Wars：Rogue One》進行拍攝，拍動作片駕輕就熟嘅甄子丹喺新戲會唔會一個打十個就未知，但佢喺英國街頭就上演一招「功夫雪糕」，同樣相當有睇頭！

甄子丹助手上載咗多張甄子丹與姜文等晚飯嘅照片，除咗有姜文親身示範「影帝級」selfie外，甄子丹更示範「功夫雪糕」，唔知係咪當地天氣涼涼地嘅緣故，食埋雪糕就特別凍，搞到甄子丹要紮住馬，耍住功夫咁食，果然習武之人食杯雪糕都零舍唔同！