馮紹峰倪妮坐同一班機返北京

大陸掟煲男女馮紹峰、倪妮今年5月高調宣布分手，但掟煲唔掟蓋，感情仍在。早前，有網友就喺馮紹峰拍攝新片嘅米蘭遇上倪妮，咁啱得咁橋，馮紹峰同舒淇就喺附近拍緊戲，冇耐，網友又見到倪妮往拍攝場地走過去，二人復合嘅消息再傳得熱哄哄。

馮紹峰終於喺米蘭拍完戲返到北京喇！機場內，記者見佢獨自取行李離開，快步跳上一早在等候的保母車。之後輪到倪妮，佢由經理人陪同步出機場，一同乘座駕離去，馮紹峰、倪妮坐埋同一班機返北京，不過就前後腳出閘，為咗避嫌？