【夏天最後一擊】陳潔玲水着晒胸又晒腿

話咁快火辣嘅夏天就嚟走啦！一班索女着住三點式大晒身材嘅場面，好快就會消失，又要等到下年先至可以再見，喺夏天最後嘅呢段時間，無綫第二十六期藝員訓練班嘅一班學員，聯同導師鄭丹瑞趁住夏天尾一齊去咗船P。

一班女學員包括：陳華鑫、郭千瑜、陳潔玲、利穎怡、周梓盈及李旼芳等，個個都泳衣上陣大晒火辣身材，真係睇到眼都花埋，而當中曾參選2012年港姐有「翻版陳妍希」之稱嘅陳潔玲，雖然泳衣係一件頭，相比起其他學員着嘅三點式好似有啲輸蝕，不過陳潔玲喺船上擺出唔同甫士，側身坐晒白滑長腿之餘，仲要趴喺甲板大晒豐滿上圍，吸睛度爆晒燈，不過呢啲咁火辣嘅場面隨住夏天嘅離去，相信都有一排冇機會見到。

「東網巨星」fb專頁：

以抵死角度，分析各大娛樂新聞，加埋識睇一定要睇嘅網民妙論，包保享盡「Fun」秒，快啲入嚟畀Like啦。