學生集體食物中毒 Bob囡囡帶飯盒避一劫
20150910
東網電視
更多新聞短片
大角咀一小學發生學生集體食物中毒，Bob大女林霏兒都係喺該校讀書，不過大女因為自帶飯盒而避過一劫！
大角咀一小學發生學生集體食物中毒事件，育有三女的藝人林盛斌（阿Bob）大女兒林霏兒原來就讀該校二年班，所幸霏兒因自帶飯盒，因此未有受事件波及，阿Bob接受《東網》電話時表示：「之前囡囡都喺學校度食飯盒，因為想佢同同學仔食飯可以融入生活，但太太同佢商量不如帶屋企嘅飯會健康啲，咁囡囡都接受，所以今年開學後佢都自己帶飯。好彩佢唔係其中一位食物中毒嘅小朋友，但係佢有幾個好朋友都唔好彩地又屙又嘔，太太都有join家長嘅Group chat，今朝開始大家都問有冇事，覺得受影響嘅小朋友好慘，希望囡囡啲同學仔快啲康復。」
問到會否向學校關注事件，阿Bob說：「覺得主要原因係呢排天氣成日變，又落雨又焗，可能因為咁搞到飯盒送到嚟變壞咗。囡囡舊年全年喺學校食飯都冇事，我諗今次都係單一事件，但都希望學校同供應商可以監管好啲，始終食飯食落肚，都會擔心，希望校方關注吓。」
「東網巨星」fb專頁：
以抵死角度，分析各大娛樂新聞，加埋識睇一定要睇嘅網民妙論，包保享盡「Fun」秒，快啲入嚟畀Like啦。