買錶夠保值！雷頌德自爆儲咗百幾隻

著名作曲人雷頌德（Mark）與手錶品牌萬希泉合作推出腕錶，Mark與品牌創辦人沈慧林出席發布會時透露新錶將於十一月發售，約限量發行200枚，Mark說：「上年第一次同佢哋合作，今年第二次，自己不嬲對鐘錶好有興趣。（有幾多收藏？）如果計埋膠錶都數以百隻，不過依家入自己錶就唔使再買喇。（有冇送錶畀太太？）有，錶又保值，我覺得係一份幾有心意嘅禮物。」談到為陳慧琳（Kelly）做音樂總監的演唱會，他透露已開始排練：「佢不嬲係一個準備充足嘅人。（狀態如何？）好好，佢不嬲都咁fit！（會唔會請嘉賓？）我哋都諗過，已經有好豐富嘅節目。」他又自言作曲不會喝酒，因為很易喝醉，要在清醒的情況下工作。