仲係咁靚仔！陳柏霖宣布剃光頭

台灣型男陳柏霖日前先以7:3分界嘅俊男髮型，拖住林依晨行首爾電視節紅地氈，呢pair俊男美女配嘅台灣代表相當吸晴！但係陳柏霖唔知係咪受咗咩刺激，竟然喺微博宣布剃光頭，仲post咗同內地光頭導演「叫魯易小星」嘅合照，兩個「光頭」拍埋一齊影相效果反晒光，陳柏霖仲搞笑稱對方為「彥祖」，留言話：「理了彥祖同款髮型」而「叫魯易小星」隨即轉發：「啊，兩個禁慾系的美男」網友見到佢自稱美男，都忍唔住要留言「吐嘈」：「陳柏霖是禁慾系，你是讓人禁慾」、「以前你醜我以為是髮型的問題」、「我差點笑出聲！但是忍住了，最後還是沒忍住！哈哈哈哈哈！」、「右邊（陳柏霖）是美得禁慾，左邊使人禁慾」，都有大批人留言讚陳柏霖光頭look仍然好靚仔：「光頭還是帥」、「這位俊美的小和尚」亦有網友提及同樣剃咗頭嘅吳亦凡。