林文龍唔畀囡囡做童星：起碼讀完書先
20150913
東網電視
更多新聞短片
藝人嘅小朋友，永遠都係一個熱話。
藝人林文龍有份投資的電影《我們停戰吧！》舉行首映禮，太太郭可盈帶埋5歲大的囡囡津津現身支持丈夫，郭可盈透露原本未有安排明天要上學的囡囡出席，但囡囡堅持要現身支持爸爸。見津津面對鏡頭毫不怯場，更親吻爸爸，林文龍指女兒大膽，笑謂囡囡「兩個都黐到實」。
郭可盈被問會否為老公復出，她謂：「都希望遇到好嘅劇本。」至於林文龍有否力邀太太演出，他笑謂：「要用力邀架咩？如果適合嘅一定會用佢。」
談到囡囡在鏡頭前表現大膽，問到會否讓囡囡演出，林文龍說：「依家唔啦，起碼等佢讀完書先。（依家多星二代出道？）人哋啲星二代大個啦嘛。」郭可盈表示囡囡吸收力強，看過爸爸的演出即可一字不漏重演，她透露女兒未有表示想拍戲，但就很有天份。
問到對票房有沒有信心，林文龍說：「票房就冇人知喇，但拎咗咁多獎好開心，而且十場優先場反應好，有啲觀眾仲話會再買飛再睇。」至於有否信心在香港的電影頒獎禮中奪獎，他則表示平常心：「有好多強勁對手，有提名已經好開心，有獎就更加好啦。」郭可盈則指電影口碑好已是很好的鼓勵。
「東網巨星」fb專頁：
每日Keep住推介最「精」最「趣」娛聞，只需數分鐘，即可化身娛樂通，茶餘飯後唔驚冇話題。想加入熱議最hit最爆娛聞行列？呢個專頁真係不Like不可。