趙雅芝唔覺黃愷傑同張雨綺拍拖

20150915
東網電視
更多新聞短片
趙雅芝話三個仔仔都有拍拖,但就唔覺黃愷傑同張雨綺拍拖。

藝人趙雅芝出席仁濟醫院中秋慈善活動,現場更有十多名粉絲撐場,並有兒童繪本小說《南山七小福》主角壽星公公仔、作者朱穎詩及其仁濟副主席丈夫王賢訊等現身,其中趙雅芝說:「我啲影迷自發組織咗個《芝子花開義工團》,有內地有香港,唔同地方都有,成立咗第四年,每年都有溫暖冬天嘅行動,寄冬天衫畀貧窮嘅人,一件寒衣好緊要,冬天帶唔夠衫好慘;我聽過朋友講,有個住東北嘅人,冬天落住雪揸車,中途入便利店買嘢,出番嚟架車畀人打爆玻璃,但乜都冇唔見,淨係唔見咗件羽絨。」她又表示兒子也有隨她做慈善。

問到孻子黃愷傑同真人騷拍檔內地女星張雨綺的緋聞?她即笑說:「我覺得唔係,佢哋8個學員相處咁耐,感情好好,邊個退出都會唔捨得。(仔仔有冇同你講感情事?)問就講兩句啦。(恨唔恨飲新抱茶?)隨緣啦,佢哋有打算計劃。(已經有對象?)三個都有拍拖,所以緋聞就係緋聞啦,我都見過佢哋,個個都幾好。(有善心加分?)一定會,但佢哋都有自己做義工,好好,不過做善事唔需要公開,細仔做呢行就成日畀人拉出嚟。」