黎燕珊撐葉家寶做得嘢：唔要佢係損失

亞視獲新股東中金集團董事長司榮彬入主，但商務及經濟發展局局長蘇錦樑對此提出質疑，指亞視的股權轉讓必須先通過通訊局審批。葉家寶到土瓜灣出席長者活動時表示：「我哋好清楚股權變動係要經通訊局審批，德勤已經解釋咗，唔再講喇。（擔心交易出意外？）相信通訊局會按照程序去辦理，我哋提出申請亦符合股權變化嘅要求。（現時亞視資金有冇問題？）8月份大部分員工薪金今日出，剩低廿幾個高層嘅薪金聽日會出埋，相信手續辦好，資金就會到位，對亞視前景樂觀。（員工擔心？）每間公司有變動都會好多消息傳播，清者自清，會畀員工安心同信念。（擔心申請唔到免費電視牌照？）相信我哋器材、廠房基本條件有優勢，新股東投資亦唔係淨係睇免費電視。（有指股東內地人身分存在問題？）董事局有一半係香港人就合符資格，新投資者亦好清楚通訊局要求。」

有傳葉家寶會被新老闆調職，對此他說：「好多傳聞，我依家仲執行董事，新老闆有好多想法，無論去到咩崗位都希望發揮到自己所長。」黎燕珊受訪時也力撐葉家寶說：「如果唔要家寶係佢嘅損失，佢好做得嘢，出到去好搶手。（會唔會返亞視？）都會，唔係考慮錢，睇工作。」

開冇上限獎金遊戲節目

蔡國威透露八月薪酬今日已經入票，講到新股東背景神秘？他說：「就算係真都係十幾年前嘅事，唔好小事化大。（驚唔驚交易唔成功？）唔驚，我有兩個節目已經拍板10月頭會開，其中關於股票嘅遊戲節目，獎金仲冇上限。」