《重播你有Say》戰況：《男親女愛》領先
20150915
東網電視
更多新聞短片
唔好等喇，快啲去《東網巨星》facebook投票啦！
煲劇是最佳減壓節目，深宵時段重睇經典劇集更已成為大眾集體回憶經典劇時段，向來緊貼娛樂熱話嘅《東網巨星》App，繼推出《港姐任你Like》後，今次同無綫搞搞新意思，於昨午推出全新投票活動《重播你有Say》，於芸芸經典劇中嚴選十劇讓大家畀Like，展開為期兩周的投票活動（截止投票日期為9月28日下午4時）。
連結如下：
經過咗一日嘅投票，感謝各界巴絲嘅踴躍支持，截至頭先7點鐘，投票人數已經衝破二千大關，不過當然呢個數字，仲未可以反映到各位巴絲嘅心意，所以想自己想睇嘅經典劇自己話事，就要快啲去《東網巨星》fb投票。
睇番暫時嘅投票結果，由鄭裕玲、男神黃子華領銜主演嘅《男親女愛》最深得巴絲心，共獲得418個Likes；而緊接其後嘅，就係劇情勁緊湊、戲味十足嘅《義不容情》，共獲264個Likes；至於第三名，就係獲得212個Likes，有齊梁朝偉、劉青雲兩大當今影帝擔正嘅《新紮師兄》。
以上三套劇，有無邊套啱大家心水呀？未有？咁你投咗票未先？錯過呢個黃金機會嘅話，就唔好埋怨嚟緊深宵檔套劇唔啱心水喇。
網民有話兒
《男親女愛》
「想起黃子華的金句『富貴於我如浮雲，浮雲於我如命根』」
「神級之作！好睇到無朋！」
「淨係睇呢 part trailer 我都笑到出聲!!一定一定要重播!!」
《義不容情》
「呢部係我最喜歡劇集，劇情高潮疊（迭）起，我真心希望可以重播。」
「冷暖那可休，回頭多少個秋……」
「經典中嘅經典！」
《壹號皇庭》
「嗰陣首播冇得睇，如重播必追!!」
「東網巨星」fb專頁：
以抵死角度，分析各大娛樂新聞，加埋識睇一定要睇嘅網民妙論，包保享盡「Fun」秒，快啲入嚟畀Like啦。