林德信直認松岡李那唔港女：冇呢啲問題

藝人林德信（Alex）、J.Arie等現身中環出席電影《死開啲啦》主題曲《恐龍進化論》MV首播活動，提到J.Arie在片中演港女，她表示在戲中演出相當負面：「好多時侯都好晦氣，得1、2場戲有笑。（現實係港女？）媽咪可能覺得我係，戲裏面好多幕都難忘，要對住電話鬧人，又要拎菜刀斬人，又打咗林德信6、70巴！計埋試位同NG，我諗出街仲有14、5巴！」拍檔Alex即笑說：「左邊面腫晒。」

而戲中演100歲翻生殭屍的Alex，被問題是否頂得順港女？他笑說：「好欣賞佢（J.Arie），第一次演戲就演咁CRAZY嘅角色，情緒大起大落。人哋可能覺得我好OFF BEAT，節奏好慢，唔似正常人，喺戲入面演100歲殭屍，可能要咁嘅人先頂得順啲港女！現實中冇遇過港女，我都有方法解決。（女友松岡李那唔港女？）佢都唔係香港人，冇呢啲問題。（唔揀港女做女友？）咪答咗你囉！（日本女溫柔啲？）又唔係，要識同女人溝通，識就冇問題。」身旁的J.Arie即搞笑道：「其實女人呢個品種全世界都差唔多，每個國家都有少少港女特質。」