郭富城早過麥當娜登陸澳門新場開騷

20150917
東網電視
更多新聞短片
對於可以早過麥當娜喺澳門新濠影滙綜館開騷,郭富城覺得好榮幸。

早前親臨透露將於11月7日舉行演唱會的城城,原來門票資料已悄悄於facebook公開,其「舞臨盛宴夢幻距離澳門站演唱會」將於9月22日公開發售,票價由港幣$680至$1,580不等。由於城城已強調會在「夢幻」距離與粉絲全接觸,又指這將會是其首個設立搖滾區的演唱會,承諾與歌迷「以歌會舞」,消息在facebook發布後,粉絲們即時讚好,並留言表示非常期待城城的演出。

而對於國際天后麥當娜將於明年2月在同一場館開騷,城城謂:「以前喺華納唱片時代,我同麥當娜同公司,但未有合作機會。我都熱愛舞台藝術,當然好欣賞麥當娜呢位舞台女王喺舞台上嘅超亮麗舞台視覺效果,特別係佢嘅舞蹈,每部分都有主題,真正超乎聲色藝,所以有機會我一定會去現場欣賞,有好大可能我會去澳門站。因為因緣際會,我同佢算係間接喺澳門同一個嶄新嘅演出場館結緣。澳門新濠影滙綜藝館,係希望打造成一個世界級表演者嘅舞台,其實我十分榮幸能夠喺佢演出之前嘅11月,喺呢個場館舉行佢哋嘅首場演出,即係我嘅個唱,所以我嘅團隊已經全情投入,設計全新舞台同視覺效果。」